HOME | DD
largo19 — Syria Freedom
by-nc-nd
Published: 2011-07-20 13:49:15 +0000 UTC; Views: 3742; Favourites: 19; Downloads: 146
Redirect to original
Description
Syria Freedom ArtRelated content
Comments: 44
love it.
Could you please translate it to me as i don't know arabic 
Thank you and keep up the awesome work
👍: 0 ⏩: 1
Thank u
Glad that u like it ..
it means that prefer death more than humiliation
👍: 0 ⏩: 1
عفوا بس سؤالين
شو الفكره من الكنيسه في نصف التصميم؟
وهل تصمم تصاميم مؤيده؟ او بس للثوره؟
شكرا
👍: 0 ⏩: 1
أهلين أخي ..
والله ما فهمت عليك بالسؤال الأول .. أنو ليش حاطط كنيسة ولا ليش حاططها بوسط التصميم؟؟
أما التاني .. ليش في حدي بصمم تصاميم مؤيدة وتصاميم مع الثورة بنفس الوقت ؟؟
👍: 0 ⏩: 1
يعني بصراحه محاوله دحش المسيحيه بشعارات الثوره هو عباره عن عبث لامعنا له. الثوره هيه للسنه بطبيعتها الحاليه للاسف, ولكن هذا الواقع
بخصوص التصميم يس في ناس متلي بصممو للي بيدفع مابهم توجههم السياسي
👍: 0 ⏩: 1
يمكن شايفها هيك إنت. لكن أنا حطيتها بالتصميم لأشكر رفقاتي المسيحيين اللي مع الثورة.
أما بالنسبة للتصميم فهو مجرد هواية عندي, مو شغل. لذلك بصمم حسب توجهي الشخصي وهو مع الثورة.
👍: 0 ⏩: 1
في مسيحيه بالثوره؟ ماسمعت ولا شفت مظاهرات تخرج من الكنائس. يمكن قظدك لتحفز المسيحيه للخروج ... بس اكيد مو لتشكرون لانو ماعملو شي . الثوره سنيه لهلء
👍: 0 ⏩: 1
إسأل عن مسيحية باب السباع وكرم شمشم بحمص ..
رفقاتي من هالمناطق ..
ببداية الأحداث كانوا صامتين ..
لكن بعد ما انضربت حمص .. صار الصامت مع الثورة ..
وصار المؤيد صامت ..
بدك بدلك ع كذا واحد تتأكد ..
👍: 0 ⏩: 1
بس مافي هلتمثيل القوي للمسيحيه
بتخيل قلبون على الاسد اكثر من سوريا
👍: 0 ⏩: 1
بعض المسيحية من هون والكثير من الإسماعيلية من هون ..
هاد بخلي الثورة مو سنية ..
خاصة وإذا عرفنا أنو معظم التجار اللي عم يرتكي عليهم النظام هني سنة .. وهدول محاسبتهن أولى من محاسبة النظام عنا ..
👍: 0 ⏩: 1
الفكره بالنسبه والتناسب
كم مسيحي قتل من بدايه الثوره؟ وقتها بتعرف كم تمثيل المسيحيه او باقي الطوائف بالثوره.
👍: 0 ⏩: 1
قليل كتير .. لكن هاد ما بيعني نسبة تمثيلهن .. بل بيعني أنو النظام طائفي وبيقتل من طائفة وحدة ..
وبيعني كمان أنو كيف هالعصابات المسلحة السلفية السنية المفترضة بتقتل بس من السنة ..
95 بالمية من اللي عم ينقتلوا ما عم ينقتلوا بالمظاهرات..
👍: 0 ⏩: 1
كيف يعني؟ انو مافي عصابات مسلحه؟ لكن الجيش الحر شو بالظبط؟
لما انتا يكون عندك مسلح بالبيت بيقتل رجال امن بتكون انتا والشب المسلح سواء بالجريمه مافيك تقول والله هو المسلح وانا ماخصني! يس
الثوره صارت مسلحه
👍: 0 ⏩: 1
هلأ الجيش الحر اللي عم يقصف باباعمرو بالهاون ؟؟
ولا الجيش الحر اللي قطع الاتصالات عن كل حمص .. ؟؟
كلامك يعني أنو الجيش عم يقصف بيوت الناس لأنها آوت الجيش الحر ؟؟
هاد الكلام متطرف أكتر من النظام ذاته ..
👍: 0 ⏩: 1
انا ماقلت انو الجيش الحر عم يقصف
يلي قلتو انو الثوره مسلحه والجيش الحر عم يقتل قوات حفظ النظام والامن وبالتالي حق طبيعي يرد الجيش
الكزب لما تقول انو الثوره سلميه وهيه مو هيك
👍: 0 ⏩: 1
الثورة كانت سلمية .. قبل خمس شهور ..
هلء اللي معو سلاح عم يدافع عن حالو ..
لكن هاد ما ببرر قصف مناطق كاملة ..
مبارح شفت صورة بالإنشاءات بشارع كل السيارات مخربة بعد ما مرت عليها دبابة ..
هاد إسمو حقد مو تطهير ..
👍: 0 ⏩: 1
بالعكس ببرر الحكومه عندها كامل الحق بستخدام كل القوه وكافه الوسائل للقضاء على المسلحين
اكيد مارح تتوقع من اي دوله تجي وتقعد تتفرج وفي مسلحين عم يقتلو ويعزلو مناطق
لما يكون الحكومه عندها حق الرد المفروض تتوقع ضحايا من الطرفين الامر مانو مستغرب
👍: 0 ⏩: 1
بتعرف .. هاد التفكير المتطرف هو اللي وصل الأمور لهالمواصيل ..
لو ما النظام قتل الناس بالبداية .. ما كان صار في مسلحين ضدو .. وما كانوا عزلوا مناطق ليحموا أهلها من هالنظام ..
بأول أسبوع لا كان في مسلحين ولا شي .. ليش انقتلت الناس ؟؟
هلأ حي بابا عمرو عم توصل الأخبار أنو شبه تهدم بالكامل ..
هاد كلو كان مسلحين كمان ؟؟
👍: 0 ⏩: 1
مو تفكير متطرف بس هاد الواقع. يعني مابتتخيل تطلع جماعه مسلحه ضد الحكومه البريطانيه وتتخيل الجيش والامن البريطاني مايتدخل بكامل الوسائل لوقف العنف والحفاظ على النظام.
اكيد كل انسان رح يلاقي مبرر لحمل السلاح, بس يلي عم قولو انو بلا كزب خلص قول الثوره صارت مسلحه وتحمل النتائج
👍: 0 ⏩: 1
ليش مو إنتو تقولوا أنو النظام عم يقتل المدنيين اللي عم يأووا الجيش الحر .. لأنو قصة العصابات المسلحة اللي عم تقتل وتروع المدنيين ضحكت العالم كلو عليه ..
ولسا بقولها على أعلى المستويات ..
خليه يعترف أنو في جيش حر وقف ضده من المنشقين والناس .. مو من دول تانية وجهاديين ومدري شو ..
والثورة مسلحة جزئياً .. لأنو ببساطة كل واحد هوي وسلاحو .. واللي ما معو سلاح قعد يتظاهر ..
👍: 0 ⏩: 1
النظام حر بتسميه الجماعات المسلحه
ازا الثوره بتسميهم جيش حر, النظام بمسيهم عصابات ارهابيين الخ
بالنهايه هاد لايلغي انو الثوره مسلحه والنظام عندو كامل الحق بستخدام القوه
الاسباب والمسببات والنتائج شي تاني
👍: 0 ⏩: 1
لذلك ما رح نوصل لحل .. لأن هي العقلية السائدة عند النظام ..
وطالما هيك النظام رح يكون رد الفعل سلبي أكتر عند الناس .. وهيك رح تدور الأمور ..
لأن وقت النظام رح يقتل 8000 واحد مننا لأننا عم نأوي عصابات مسلحة ..
شوي شوي رح نصير نحنا عصابات مسلحة كمان ..
👍: 0 ⏩: 1
يس وبتخيل هاد المطلوب
لو قاري عن الثوره الجزايره وكيف انتهت بتعرف شو يلي عم يصير
👍: 0 ⏩: 1
هلأ أنا بكل الأحوال ما هاد اللي بدي إياه ..
لكن هاد خيارنا الوحيد ..
لو رجعنا ع بيوتنا رح نعاني قد هلأ عشر تالاف مرة ..
👍: 0 ⏩: 1
ايه اكيد مافي تراجع
يمكن بينزل تعداد سوريا للنص لو وقفت الثوره
👍: 0 ⏩: 1
من عيدا شي في كتير مطلوبين سافروا برا البلد .. خلص هدول سلم عليهم كمان ..
👍: 0 ⏩: 1
يس صح في كثير سافرو
طيب بغض النظر انتا سمعت الجعفري مبارح
الصراحه حكيو صحيح. بغض النظر عن بعض الاشياء بيس اغلب يلي قالو صحيح
👍: 0 ⏩: 1
في شي صح وفي شي لء ..
صح أنو السعودية مو من حقها تنظر ع سمانا .. هاد صح ..
لكن مو صح أنو الإرهابيين عم يقصفوا حمص .. ومو صح أنو المسلحين هني القاعدة ..
هوي خايف يقول أنو المسلحين هني من الناس .. لأنو هاد يعني أنو عم يضرب حركة مقاومة مو إرهاب ..
بعدين هوي انتقد نافي بيلاي لأنها برهنت كلامها بتقارير ..
مع أنو نفسه استشهد بتقارير عن مركز أمريكي قال أنو القاعدة وراء تفجيرات حلب ..
في تناقض يعني عندو ..
👍: 0 ⏩: 1
صح خبص كثير بالاخير خصوصي وقت دحش جوجل بالنص
بس كمان حط حالك ماكن دوله بدها تحافظ على سيادتها
خصوصي انو سوريا قدمت طلب للجامعه العربيه بموجبو كل الدول العربيه بتلتزم بنفس الشروط الداعيه للديموقراطيه بس طبعا نرفض
هو ماشرط انو ننطر السعوديه تصير ديموقراطيه لنطلب من سوريا تصير
بس مافينا ننكر انو حكيو عن التدخل الاجنبي واضح وانو عمليه تحويل سوريا لدوله فاشله هو الطريق هلء
👍: 0 ⏩: 1
أخي والله لو طبقوا شي هي الإصلاحات اللي عم يقولوا عنها كانت الناس هديت
بس ما طبقوا شي .. يعني أنو ما فرق شي معنا قبل وبعد الثورة بالنسبة للنظام ..
اللي قدر يلف على عشرين دولة عربية بسهولة رح يلف عالإصلاحات ..
لا نحنا ولا الغرب بدو تدخل أجنبي .. لو بدو كان تدخل من زمان ..
لكن مجبرين .. الثورة كانت سلمية وبدأت تنتقل للسلاح شوي شوي ..
مع هاد الانتقال شي طبيعي تولد الحاجة للدعم بالمال والسلاح ..
👍: 0 ⏩: 1
طبقو او ما طبقو بالاخير في واقع انو هيك اصلاحات رح تاخد وقت بغض النظر لو كان بدو يطبقها من الاصل
بس النقطه الاهم انو الغرب بدو يتدخل وعم يتدخل. تزكر شيء كثير مهم انو ماحدا بالكره الارضيه بدو سوريا ديموقراطيه قويه لانها رح تشكل اكبر ضربه لاسرائيل
هي المرحله هيه في هدف بناء سوريا الضعيفه
سوريا قبل الازمه كان عندها 0 ديون لمعلوماتك وبتخيل هي اخر مره منشوف الرقم هاد
بعرف الثوار كلهم امل انو سوريا تصير افضل, بس سوريا الافضل مو لمصلحه الغرب ولا العرب
👍: 0 ⏩: 1
%u0635%u062D %u0643%u0644%u0627%u0645%u0643 %u0645%u0627 %u062D%u062F%u0627 %u0628%u062F%u0648 %u0627%u064A%u0627%u0647%u0627 %u0642%u0648%u064A%u0629 %u0644%u0630%u0644%u0643 %u0639%u0645 %u064A%u0646%u062A%u0638%u0631 %u0627%u0644%u063A%u0631%u0628 %u062D%u062A%u0649 %u0645%u0627 %u062A%u0642%u062F%u0631 %u062A%u0642%u0648%u0645 %u0628%u0639%u0634%u0631%u064A%u0646 %u0633%u0646%u0629 %u0628%u0639%u062F%u064A%u0646 %u0628%u064A%u062A%u062F%u062E%u0644 %u0641%u0639%u0644%u064A%u0627 %u0639%u0627%u0644%u0623%u0631%u0636.
%u0648%u0627%u0644%u0639%u0631%u0628 %u0639%u0645 %u064A%u0633%u062A%u0646%u0648%u0627 %u062D%u062A%u0649 %u0628%u0643%u0631%u0629 %u0645%u0627 %u064A%u0643%u0648%u0646 %u0625%u0644%u0646%u0627 %u063A%u064A%u0631%u0647%u0646 %u0628%u0627%u0644%u062F%u064A%u0648%u0646 %u0648%u0627%u0644%u0642%u0631%u0648%u0636.
%u0644%u0643%u0646 %u0644%u064A%u0634 %u0627%u0644%u0646%u0638%u0627%u0645 %u0645%u0627 %u0628%u062F%u0648 %u0625%u064A%u0627%u0647%u0627 %u0642%u0648%u064A%u0629%u061F %u064A%u0639%u0646%u064A %u0635%u0641%u0649 %u0627%u0644%u0643%u0631%u0633%u064A %u0623%u0647%u0645 %u0645%u0646 %u0642%u0648%u0629 %u0633%u0648%u0631%u064A%u0627 %u0635%u062D..%u061F
%u0644%u0648 %u0644%u0631%u0626%u064A%u0633 %u062D%u0628 %u064A%u062D%u0627%u0641%u0638 %u0639%u0644%u0649 %u0633%u0648%u0631%u064A%u0627 %u0643%u0627%u0646 %u0647%u0648%u064A %u0639%u0645%u0644 %u0628%u0630%u0627%u062A%u0647 %u0639%u0644%u0649 %u0646%u0642%u0644 %u0627%u0644%u062D%u0643%u0645 %u0623%u0648 %u0639%u0627%u0644%u0623%u0642%u0644 %u0642%u0627%u0644 %u062E%u0644%u0635 %u0647%u064A %u0622%u062E%u0631 %u062F%u0648%u0631%u0629 %u0625%u0644%u064A.
%u0623%u0646%u0648 %u064A%u062A%u0646%u0627%u0632%u0644 %u0634%u062E%u0635 %u0648%u0627%u062D%u062F %u0623%u0633%u0647%u0644 %u0645%u0646 %u062A%u0646%u0627%u0632%u0644 %u0646%u0635 %u0627%u0644%u0628%u0644%u062F.
👍: 0 ⏩: 1
آسف .. خطأ بالترميز عالجوال..
كنت عم قول ما حدا بدو سوريا قوية لهيك ما تدخل الغرب هلأ متل ما صار بليبيا .. عم ينتظرو حتى تصير سوريا مو قادرة تقوم إلا بعد عشرين سنة على رجليها ..
والعرب بدهن مين يساعدهن ..
لذلك نحنا ما عم نعول عليهن ..
وتاركينهن كآخر الحلول المتاحة ..
👍: 0 ⏩: 1
تكنكلي كان اتدخل لو بدو
لو ماكان في فيتو كانت خلصت الازمه هلء
بس كل اللفه والدوره مشان يقتل النظام ناس اكتر وتندفش الحكايه لحرب اهليه
للاسف
بس الله يستر الاوضاع ماكويسه بحمص اليوم منوب
👍: 0 ⏩: 1
perfectly done my brother, simply wonderful!
please keep doing the good work
👍: 0 ⏩: 1
